S'hischaugn net wert

Zum Leserbrief von Alois Hauner in der Laberzeitung vom 2. Januar:

Da Weintinger Dorfball, der is schee,  
da tuat a jeder gern hingeh'.  
De Weintinger- Dörfler wissen des scho,  
bloß in der Nachbarstodt fehlt d'Kenntnis no.

Drum hamma uns Gedanken gmacht,  
wie ma dorthin de Kunde braacht.  
Für d'Stodterer muss doch wos extrigs sei,  
sonst druckts de wirklich ned herbei.  

An Ball ganz ohne Kleiderzwang ham wir erfunden,  
und scho riahrn a se, den Kundn.  
Wahrscheinlich wird da Platz ned glanga,  
zum drobaun dama gleich ofanga.

Doch oa Besorgnis treibt mi um,  
weshalb i jetzt af Haader kumm:  
"Maria schütz uns vor Gefahr,  
denn de is wirklich scho sehr nah,  
im Dutzend kemman d´Lehrer aus der Stodt,
wo jeder nur a Krawattn dro hod."

Und dabei tua i mi ned fürchten,  
dass de d'Moral zugrunde richten.  
Vui mehr denk i ganz umgekehrt,  
do is wohl s'hischaugn gar net wert.

Drum Dichter, Stodtleit, Lehrer,  
machts es hoit wia d'Rauchfangkehrer:  
schliafts eini in des schwarz Jackett  
sparts eich d'Blamage, war wirklich nett.  
D'Weintinger gfrein se a so af eich,  
wenns seid's im Frack und ned ganz bleich.

Josef Zellmeier jun.  
Bahnhofstraße, Laberweinting