Es muaß heid scho ganz wos bsonders sei,
wenn’s so vui Bachler ziagt af Weinting rei.
A paar san sogar z´Fuß zu uns oba kemma
magst ned glaub´, wie manche kennen renna,
wenn d´Red is vo am Freibier und an Essen,
ko so mancher seine Henneraugn vergessen.
Des is aber bei eich Haimelkofener Schützen koa Wunder,
sitz ihr doch meistens bei eierm Wirt mit am groaßen Hunger.

Ob z´fuaß, mitm Auto, mit oder ohne Stützen
Gruaß God Bachler bei uns Weintinger Schützen.

Kemma seid´s heid, wei´s wos von uns wollts,
deswegn liegt a do des weiche Stück´l Holz.
Vui besser red sa se im knien,
da wui koaner a Wort zvui verliern.

Des is besonders bei eiam Festleiter wichtig,
wei der schmatzt gern und des ist richtig,
vui Zeig an ganzen Tag,
drum Walter Stefan kimm afa
knie di hi und bi amoi stad.
A Verein ohne Vorstand is wi a Faßl ohne Bier,
drum Zuckmantel Peter, knie du a hier!

A Festmutter habs a scho, a fesche no dazu,
aber wenn I an Vorstand und an Festleiter oschau,
de san dafür greißlich gnu.
Damit des Buidl da herom a bisserl freindlicher werd,
Manuela kimm afa du bist auf dem Scheitl ned verkehrt.

Weils a ned pressiert und jeder guat sitzt,
und damit ihr ned im Liacht a so schwitzt,
so eich da Schirmherr an Schatten macha,
weil der ist zuständig für soche Sacha.
Doch Burgermoaster für di wird’s ned schlimmer,
weil knien brauchst du ois oida Großvater nimmer.